Bıyl elimizge ákelinetin 15 fılm qazaq tiline dýblıajdalady

ASTANA. KAZINFORM – Bıyl elimizge ákelinetin 15 fılm qazaq tiline dýblıajdalady. Bul jaıynda Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.

«Ulttyq kınony qoldaý memlekettik ortalyǵy» kommertsııalyq emes aktsıonerlik qoǵamy 2024 jyly elimizge ákelinetin 15 fılmdi qazaq tilinde dýblıajdaýdy josparlap otyr. Disney fılmderiniń resmı dıstrıbıýtory «Meloman» kompanııasy 2024 jyly 4 kórkem fılmniń qazaq tilindegi nusqasyn keń prokatqa shyǵarýdy kózdeýde. 2024 jylǵy 14 maýsymda «Oıjumbaq 2» («Golovolomka 2») anımatsııalyq fılminiń tusaýkeseri ótti», - dep atap ótedi Úkimet basshysy.

Premer-Mınıstrdiń dereginshe, búginde rejıssýra salasynda kadrlar daıarlaýdy 7 ýnıversıtet júzege asyrady. 2024-2025 oqý jylyna kadrlardy daıarlaý úshin bakalavrıatqa 119 grant jáne magıstratýraǵa 10 grant kóleminde memlekettik tapsyrys (2023-2024 jyly bakalavrıatta -100 grant, magıstratýrada - 10 grant) bólindi.

«Jalpy elimizde anımatsııa salasyn damytý úshin keshendi sharalar qabyldanýda jáne ýákiletti organnyń baqylaýynda», - dedi Oljas Bektenov.