Bıyl elimizdiń jalpy ishki ónimi 400 mlrd dollarǵa jýyqtaıdy — Joldaý
ASTANA. KAZINFORM — Elimiz ekonomıkasynyń kólemi jaǵynan álemde 47 orynǵa kóterildi. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart málim etti.
— Osy oraıda áleýmettik-ekonomıkalyq mańyzy bar nysandar salýǵa jáne ony jańǵyrtýǵa erekshe mán beremiz. Buǵan bizdiń kúshimiz de, múmkindigimiz de jetedi. Halyqaralyq valıýta qory usynǵan boljamǵa sáıkes, bıyl elimizdiń jalpy ishki ónimi 400 mıllıard dollarǵa jýyqtaıdy. Onyń jan basyna shaqqandaǵy úlesi 19 myń dollardan asatyn boldy, — dedi Qasym-Jomart Toqaev.
Bul rette Prezıdent elimiz ekonomıkasynyń kólemi jaǵynan álemde 47 orynǵa kóterilgenin aıtty.
— Bul — halqynyń sany bizden áldeqaıda kóp birqatar eldiń kórsetkishinen joǵary deńgeı degen sóz, — dedi Memleket basshysy.
Buǵan deıin Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatqanyn jazǵan edik.
