Bıyl elimizdiń avtoparki 1235 jańa avtobýspen tolyqty
Ónerkásipti damytý qory avtobýs parkin jańartý boıynsha lızıngtik qarjylandyrý baǵdarlamasy sheńberinde elimizdiń barlyq óńiri boıynsha 4 333 jolaýshylar avtobýsyn satyp alý úshin qarjy bóldi, onyń ishinde elektr qýatymen júretin — 130, gazben — 1 737, dızel otynymen júretin 2 466 avtobýs bar, dep habarlaıdy Kazinform.
Kólik mınıstrliginen jaszǵandaı, jańa avtobýstar halyqaralyq ekologııalyq standarttarǵa sáıkes shyǵarylǵan. ıAǵnı, jolaýshylardy yńǵaıly jáne qaýipsiz tasymaldaý úshin barlyq qajetti fýnktsııalarmen jabdyqtalǵan. Atap aıtqanda, kondıtsıoner, órt sóndirgishter, beınebaqylaý kameralary, beınejazba júıesi, múmkindigi shekteýli adamdarǵa arnalǵan mehanıkalyq pandýstar qarastyrylǵan.
«Sondaı-aq avtobýstar elimizdiń klımattyq jaǵdaıyna beıimdelgen. Máselen, soltústik óńirlerge arnalǵan qoǵamdyq kólikte salondarda qosymsha peshter men salondaǵy aýany tazartatyn qurylǵylar ornatylǵan», — delingen aqparatta.
Kelesi jyly elimizdiń Kólik mınıstrligi Qormen birlesip avtoparkti jańa otandyq avtobýstarmen jańartý jáne tolyqtyrý boıynsha jumysty jalǵastyrady dep josparlanyp otyr.
Bıyl avtobýs parki birqatar qala men aımaqta jańartyldy:
● Almaty q. — 17 avtobýs;
● Astana q. — 259 avtobýs;
● Shymkent q. — 25 avtobýs;
● Qaraǵandy oblysy — 44 avtobýs;
● Aqtóbe oblysy — 109 avtobýs;
● Pavlodar oblysy — 241 avtobýs;
● Shyǵys Qazaqstan oblysy — 44 avtobýs;
● Aqmola oblysy — 3 avtobýs;
● Almaty oblysy -36 avtobýs;
● Atyraý oblysy — 62 avtobýs;
● Jetisý oblysy — 2 avtobýs;
● Batys Qazaqstan oblysy — 29 avtobýs;
● Qostanaı oblysy — 57 avtobýs;
● Qyzylorda oblysy — 130 avtobýs;
● Mańǵystaý oblysy — 52 avtobýs;
● Soltústik Qazaqstan oblysy — 33 avtobýs;
● Túrkistan oblysy — 89 avtobýs;
● Abaı oblysy — 3 avtobýs.
Aıta keterligi, avtobýs parkin jańartý boıynsha lızıngtik qarjylandyrý baǵdarlamasy Qazaqstan Respýblıkasynyń óńdeý ónerkásibin damytýdyń 2023-2029 jyldarǵa arnalǵan tujyrymdamasy sheńberinde otandyq óndiristiń qoǵamdyq kóligin jeńildikti sharttarmen satyp alýǵa múmkindik beredi.
Qalalardaǵy avtobýs parkin jańartýdy qarjylandyrýdyń negizgi sharttary tómendegideı:
— lızıngtik qarjylandyrý merzimi — 7 jylǵa deıin;
— lızıng boıynsha bastapqy jarna (avans) — 15%-dan;
— jyldyq syıaqy jarnasy — 7%.
Óńirlerdegi avtobýs parkin jańartý úshin qarjylandyrýdyń negizgi sharttary:
— lızıngtik qarjylandyrý merzimi — 7 jylǵa deıin;
— lızıng boıynsha bastapqy jarna (avans) — 0%-den bastap;
— jyldyq syıaqy jarnasy — 0,01%.
