Bıyl elimizdegi qonaqúıler 6,9 mln meımandy qabyldaǵan

ASTANA.KAZINFORM — Bıylǵy 9 aıda Qazaqstanda ornalastyrý oryndary 6,9 mln kelýshini qabyldady, bul ótken jylmen salystyrǵanda 11,1% artyq, dep habarlaıdy QR Ulttyq statıstıka bıýrosy. 

Qonaqtardyń jartysy meıramhanasy bar qonaqúılerde toqtalsa, 27,9% meıman meıramhanalary joq qonaqúılerde bolǵan. Sondaı-aq kottedjder, úıler men páter túrindegi ornalastyrý oryndaryna da suranys bar ekeni 11,7%  kelýshileren ańǵarýǵa bolady.  

Týrısterdiń basym kópshiligin Almaty (1,7 mln), Astana (1 mln) jáne Aqmola oblysynyń (420 myń adam) qonaq úıleri qabyldady.

Qyzmet kórsetilgen kelýshilerdiń jalpy sanynyń 13,9% sheteldik qonaqtar, olardyń 55% Qazaqstanǵa jeke maqsatta, qalǵandary issaparmen kelgen.

Elder bólinisinde qańtar-qyrkúıek aılarynda qonaqtardyń kópshiligi Reseı Federatsııasynan (307 myń), Qytaıdan (127 myń) jáne Úndistannan (91 myń)qabyldandy.

Barlyq ornalastyrý oryndarynyń 9 aı ishinde kórsetken qyzmetteriniń kólemi 224,1 mlrd teńgeni qurady.

Eske sala keteıik, buǵan deıin endi týrıster Býrabaı tabıǵatyn tikushaqpen tamashalaı alatnyn jazǵan bolatynbyz.