Bıyl elimizde neshe jataqhana salynady
ASTANA. KAZINFORM – Premer-mınıstr Oljas Bektenov QR Parlamenti Májilisi depýtattarynyń 19 maýsymdaǵy depýtattyq saýalyna bergen jaýabynda bıyl elimizde stýdentterge arnalǵan neshe jataqhana paıdalanýǵa beriletinin málimdedi.
– 2026 jylǵa arnalǵan josparda 18 jataqhanany (JOO stýdentteri úshin 5 366 orynǵa arnalǵan 11 jataqhana jáne kolledj stýdentterine arnalǵan 1 491 oryndyq 7 jataqhana) paıdalanýǵa berý kózdelgen, – delingen hatta.
Sonymen qatar memlekettik jáne jeke joǵary oqý oryndary stýdentteriniń jataqhanalarmen qamtamasyz etilýin esepke alý boıynsha biryńǵaı ulttyq tsıfrlyq platforma qurylmaq.
– Jumys ortalyqtandyrylǵan monıtorıng júrgizý jáne turatyn stýdentterdiń mártebesin rastaý úshin «StudDom» AJ-ny «Joǵary bilim berýdiń biryńǵaı platformasy» AJ-men jáne joǵary oqý oryndarynyń bilim berý aqparattyq júıelerimen ıntegratsııalaý jolymen Joǵary aýdıtorlyq palata nusqamasyn iske asyrý sheńberinde júrgiziledi. Josparlanǵan aıaqtaý merzimi – 2026 jylǵy jeltoqsan, – dep málimdedi Úkimet basshysy.
Aıta keteıik, buǵan deıin depýtat jataqhana oryndaryn bóletin ulttyq tsıfrlyq platforma qurýdy usynǵanyn jazǵanbyz.
