Áýe reısterine qatysty tarıftik saıasatqa nazar aýdarý kerek - sarapshy

ASTANA. KAZINFORM – Búgin Májiliste avıatsııalyq qyzmet máselesin talqylaý kezinde Qoǵamdyq palata tóraǵasynyń orynbasary Ǵalym Baıtoq avıaparkke qatysty pikir aıtty.

- Áýe sapary men reısterdiń turaqtylyǵy áli de júıeli másele. Avıaotynynyń baǵasyn tómendetý boıynsha qabyldanǵan sharalarǵa qaramastan, salada qurylymdyq shekteýler sheshilmegen. Bul turǵyda ımporttyq kerosınge táýeldilik, keıbir áýe kompanııalarynda ushaqtardyń keshigýi, rezervtegi ushaqtardyń jetispeýshiligi, sondaı-aq iri qalalardaǵy jańa termınaldar men eskirgen óńirlik áýejaılar arasyndaǵy ınfraqurylymnyń aıtarlyqtaı alshaqtyǵy máselesi bar, - dedi Ǵ. Baıtoq Parlamenti Májilisi janyndaǵy Qoǵamdyq palata otyrysynda.

Onyń aıtýynsha, qazir áýe tasymalyna degen suranys artyp keledi. Al avıaparktiń múmkindigi tıisti deńgeıde sheshilmeı jatyr.

- Áleýmettik jáne óńirlik mańyzy bar halyqaralyq baǵyttardaǵy tarıftik saıasat erekshe nazar aýdarýdy talap etedi. Іs júzinde Qazaqstannan kórshiles elderge tikeleı reıster qymbatqa túsip jatady. Al úshinshi elder arqyly sheteldik áýe kompanııalaryn paıdalanatyn reısterdiń quny sonshalyqty joǵary emes. Bul birqatar baǵytta básekelestiktiń shekteýli ekenin baıqatty, - dedi Qoǵamdyq palata tóraǵasynyń orynbasary.

Budan buryn habarlanǵandaı, QR Kólik mınıstri Nurlan Saýranbaev FlyArystan-nyń burynǵy qyzmetkeriniń ushaq bıletine qatysty jarııalaǵan aqparaty tekserilip jatqanyn aıtty.