Bıyl elimizde memlekettiń qoldaýymen 820 myńnan astam adam jumysqa ornalasqan
ASTANA. KAZINFORM - Bıyl jumyspen qamtýǵa járdemdesý sharalarynyń keshenin iske asyrý jumyssyzdyq deńgeıin 4,6%-ǵa deıin tómendetýge yqpal etti, bul rette eńbek naryǵyna 300 myńǵa jýyq jas maman shyqqan.
Bul týraly jyldy qorytyndylyǵan QR Eńbek jáne áleýmettik qorǵaý mınıstrliginiń Svetlana Jaqypovanyń quttyqtaýynda aıtylǵan.
Ondaǵy derekterge qaraǵanda, jyl basynan beri 820 myńnan astam adam jumysqa ornalastyryldy. Jumyspen qamtýǵa járdemdesýdiń belsendi sharalarymen 296 myńǵa jýyq adam qamtyldy, onyń ishinde halyqtyń áleýmettik osal sanattaryna jatatyn 9 239 azamat jańa bıznes-bastamalardy iske asyrý úshin 400 AEK mólsherinde grant aldy. Oqytý jáne kásiptik baǵdarlaý túrindegi halyqty jumyspen qamtýǵa járdemdesýdiń qosymsha sharalarymen 478 myńnan astam qazaqstandyq qamtyldy.
Sondaı-aq bıyl sýbsıdııalanatyn jumys oryndaryn uıymdastyrý kezinde jumys berýshilerdiń jaýapkershiligin kúsheıtetin ózgerister normatıvtik quqyqtyq aktilerge engizildi. Jańartýlar rásimderdiń ashyqtyǵyn arttyrýǵa, bıýdjet qarajatyn paıdalanýdyń tıimdiligine jáne jumyspen qamtýdy memlekettik qoldaý baǵdarlamalaryna qatysatyn azamattardy naqty jumysqa ornalastyrýdy qamtamasyz etýge baǵyttalǵan.
-Ulttyq biliktilik júıesin damytý sheńberinde 2025 jyly 1,1 myńnan astam mamandyqty qamtyǵan 132 kásiptik standart ázirlendi jáne ózektendirildi, onyń 600-i – jumysshy mamandyqtary. Bul keleshekte eńbek naryǵynda suranysqa ıe kadrlardy daıarlaýdy qamtamasyz etýge múmkindik beredi,-dedi mınıstri.
Osyǵan deıin bıyl zeınetaqy mólsheri qanshalyqty óskeni týraly jazdyq.