Bıyl elde turǵyn úı qurylysyna qansha qarajat salyndy
ASTANA.KAZINFORM — Osy jyly jeke adamdar turǵyn úı qurylysyna 2,3 trln teńge qarajat salǵan. Bul týraly Ónerkásip jáne qurylys mınıstrligi málim etti.
— Osy jyly aldyn ala statıstıkalyq derekterge sáıkes, turǵyn úı qurylysyna 2,4 trln teńge ınvestıtsııa baǵyttaldy, bul ótken jyldyń sáıkes kezeńimen salystyrǵanda 4,4 paıyzǵa artyq. Onyń ishinde memlekettik qarajat esebinen — 104 mlrd teńge, jeke tulǵalardyń qarajaty esebinen — 2,3 trln teńge, — delingen mınıstrliktiń Kazinform agenttigine bergen jaýabynda.
Aıta keteıik, 2026 jyly 20,4 mln sharshy metr turǵyn úıdi nemese 188 myń páter paıdalanýǵa berý josparlanǵan. Aldyn ala statıstıkalyq derekterge sáıkes, 8 aıdyń qorytyndysy boıynsha 11,3 mln sharshy metr turǵyn úı nemese 105,9 myń páter paıdalanýǵa berildi, bul jyldyq jospardyń 55,3%-yn qurady.
Buǵan deıin apatty jaǵdaıdaǵy úılerdiń kóbi qaı óńirde ekenin jazǵan edik.
