Bıyl elde sheteldik 7 JOO-nyń fılıaly jumysyn bastady
ASTANA. KAZINFORM — Osy jyly elimizde sheteldik 7 ýnıversıtettiń fılıaly jumysyn bastady. Bul týraly Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti málim etti.
- Búginde 33 sheteldik joǵary oqý orny óz qyzmetin túrli nysandarda júzege asyryp jatyr. Onyń ishinde bıyl 7 sheteldik joǵary oqý orny iske qosyldy, - delingen vedomstvonyń Kazinform agenttigine bergen jaýabynda.
Negizgi maqsat — Qazaqstanda akademııalyq jáne zertteýshi hab qurý. Sondyqtan, sheteldiń úzdik 40 ýnıversıteti Qazaqstanda fılıal ashýǵa kelisim bergen.
Aıta keteıik, Jansúgirov atyndaǵy Jetisý ýnıversıtetinde Italııanyń Ankona qalasyndaǵy Marke polıtehnıkalyq ýnıversıtetiniń fılıaly ashyldy.
Bıyl qyrkúıek aıynda Astanada brıtandyq ýnıversıtettiń fılıaly ashyldy.