Bıyl elde nárestelerge eń jıi qoıylǵan esimder qandaı
ASTANA. KAZINFORM – Ulttyq statıstıka bıýrosy 2025 jyly elde nárestelerge eń jıi qoıylǵan esimder týraly málimet jarııalady.
2025 jyly uldar arasynda Muhammed, Alıhan, Aısultan, Omar jáne Aldııar esimderi eń tanymal boldy. Byltyrǵy jylmen salystyrǵanda uldarǵa qoıylǵan tanymal esimder tizimi ózgerissiz qaldy. Aımaqtyq turǵydan alǵanda, uldarǵa eń jıi qoıylǵan esimder Muhammed pen Alan.
2025 jyly dúnıege kelgen qyzdarǵa kóbine Aılın, Asylym, Medına, Aısha jáne Tomırıs esimderi berilgen. Aımaqtardy alyp qarasaq, Aılın esimi eń tanymal bolyp shyqty, 20 aımaqtyń 16-da osy esim eń tanymal bolǵan. Bıylǵy qyzdar esimderi arasynda da alǵashqy bestik byltyrǵy tizimmen birdeı bolyp shyqty.
Aıta keteıik, osy jyly orys ultynyń ókilderi arasynda eń tanymal esimder Eva men Mıron bolsa, ózbek ultynyń ókilderi arasynda Mýhammad pen Hadıcha esimderi tizim basynda tur.
Aıta ketelik el halqynyń sanynda ósim bar, biraq týý kórsetkishi nege báseńdep barady, demografııadan týyndaıtyn táýekelderge memleket daıyn ba? Osy jáne ózge de túıtkildi saýaldarǵa agenttik jýrnalısteri jaýyp izdep kórgen edi, tolyq mátindi osy jerden oqı alasyz.