Bıyl elde 11-synyp oqıtyn balalardyń sany qansha
ASTANA. KAZINFORM — Osy jyly 1-synypqa qabyldaý ótinishteriniń 90 paıyzǵa jýyǵy elektrondy formatta júzege asty. Bul týraly Oqý-aǵartý mınıstrliginen málim boldy.
— Qazirgi ýaqytta elimizdegi 8 myńnan astam mektepte (onyń ishinde 5 myńnan astamy aýyldyq jerde ornalasqan) 4,1 mln oqýshy bilim alyp jatyr. Bıyl 380 myń bala birinshi synypqa qabyldanady. 11-synypqa 227 myń oqýshy kóshti. Ótken oqý jylynda 230 myńnan astam oqýshy mektep bitirdi, — delingen mınıstrliktiń Kazinform agenttigine bergen jaýabynda.
Atap aıtqanda, bıyl alǵash ret QazTech platformasynda Biryńǵaı «OQU» platformasy aıasynda «1-synypqa qabyldaý» kezeń-kezeńimen iske qosyldy. 1-synypqa qujattardy qabyldaý Oqý-aǵartý mınıstrligi men Jasandy ıntellekt jáne tsıfrlyq damý mınıstrliginiń birlesken buıryǵy negizinde pılottyq joba aıasynda júzege asyrylyp jatyr. Bul turǵyda ótinishterdiń 88,7%-dan astamy elektrondy formatta qabyldandy. Bul ata-analarǵa bilim berý uıymdaryna jeke barmaı-aq, barlyq qajet rásimderdi onlaın rejımde júzege asyryp, ýaqytty únemdeýge múmkindik beretin memlekettik kórsetiletin qyzmetterdiń qoljetimdiligi men yńǵaılylyǵyn ańǵartady.
1-synypqa balalardy qabyldaý bekitilgen kestege sáıkes 2026 jylǵy 27 mamyrdan 31 tamyzǵa deıin kezeń-kezeńimen júrgiziledi.
Buǵan deıin habarlanǵandaı, jaqynda Oqý-aǵartý birinshi vıtse-mınıstri Shynar Aqparova mektep tabaldyryǵyn alǵash attaıtyn oqýshylardy qabyldaýǵa qatysty túsinik berdi.
