Bıyl el teatrlarynda balalarǵa arnalǵan qoıylymdardy 560 myńǵa jýyq kórermen tamashalady
ASTANA. KAZINFORM – 2026 jyldyń alǵashqy jartyjyldyǵynda Qazaqstan teatrlarynda balalar men jasóspirimderge arnalǵan 3 948 spektakl qoıylyp, olardy 559 885 kórermen tamashalady. Bul týraly Mádenıet jáne aqparat mınıstrligi habarlady.
Vedomstvonyń málimetinshe, balalarǵa arnalǵan repertýardy jas kórermen teatrlary, qýyrshaq teatrlary jáne jastar teatrlary turaqty túrde tolyqtyryp keledi.
Sahnada klassıkalyq jáne zamanaýı shyǵarmalar, halyq ertegileri negizindegi qoıylymdarmen qatar, tárbıelik jáne tanymdyq mazmundaǵy spektaklder usynylady.
«Jas kórermen teatrlary balalarmen qatar jasóspirimderge de arnalǵan qoıylymdardy sahnalap, dostyq, jaýapkershilik, tańdaý jasaý jáne ulttyq mádenı murany qurmetteý sııaqty mańyzdy taqyryptardy arqaý etedi», – delingen mınıstrlik habarlamasynda.
Balalarǵa arnalǵan qoıylymdar halyqaralyq deńgeıde de joǵary baǵalanyp keledi. Ǵabıt Músirepov atyndaǵy Qazaq memlekettik akademııalyq balalar men jasóspirimder teatry «Ulpan» spektaklimen Bishkekte ótken «ART-ORDO» halyqaralyq teatr festıvalinde Bas júldeni jeńip aldy.
Sondaı-aq atalǵan qoıylym «Úzdik stsenograf», «Úzdik er adam róli» jáne «Ekinshi plandaǵy úzdik er adam róli» atalymdary boıynsha marapatqa ıe boldy.
Aıta keteıik, argentınalyq oqýshylar Qazaqstandy Dımash arqyly tanydy.
