Bıyl ekonomıka ósimi 6 paıyz bolady – UB boljamy
ASTANA. KAZINFORM – Keler jyly ekonomıka ósimi birshama tómendeýi múmkin. Bul týraly Ulttyq bank tóraǵasy Tımýr Súleımenov aıtty.
- 2025 jylǵa arnalǵan ekonomıkanyń ósý boljamy 6 paıyzǵa deıin ósý jaǵyna qaıta qaraldy. Bul qaıta qaraý – munaı óndirý, óńdeý ónerkásibi men basqa da salalardaǵy ósim qarqynyn, ınvestıtsııalyq belsendiliktiń ornyqtylyǵyn jáne ishki suranystyń aıqyn keńeıýin kórsetedi. 2026 jyldyń boljamy kerisinshe 4-5 paıyzǵa deıin birshama tómendeý jaǵyna qaraı naqtylandy. Bul shıkizat jáne munaı naryǵyndaǵy baǵa konıýnktýrasynyń álsireýimen birge jańartylǵan syrtqy jáne ishki jaǵdaılardyń áserine baılanysty, - dedi bank tóraǵasy.
Onyń aıtýynsha, boljam boıynsha 2027 jylǵa qaraı fıskaldyq yntalandyrýdy qatańdatý jáne bıýdjettik shoǵyrlandyrýǵa kóshý kezinde ekonomıka ortasha tarıhı deńgeıge sáıkes qalyptasady.
- Aıta ketý kerek, bul baǵalaýlar Úkimet pen jalpy memlekettik apparat júzege asyryp jatqan qurylymdyq reformalar tabysty iske asqan jaǵdaıda qaıta qaralýy múmkin, - dedi Tımýr Súleımenov.
Sondaı-aq ol bazalyq mólsherleme deńgeıin saqtaý sebebin túsindirgen edi.