Bıyl eki oblysta 50-ge jýyq medıtsınalyq nysan paıdalanýǵa beriledi
ASTANA. KAZINFORM — Bıyl jyldyń sońyna deıin Aqmola jáne Qaraǵandy oblystarynda 47 medıtsınalyq nysan paıdalanýǵa berilýge daıyndalýda, dep habarlaıdy DSM baspasóz qyzmetine silteme jasap.
Osy óńirlerge jumys sapary barysynda Densaýlyq saqtaý vıtse-mınıstri Tımýr Muratov aýyldyq densaýlyq saqtaýdy jańǵyrtý jónindegi ulttyq jobanyń iske asyrylý barysymen tanysty.
Aqmola oblysynda aýylda medıtsınalyq ınfraqurylymdy jańartý úshin ulttyq jobanyń sheńberinde 38 MSAK nysanyn salý josparlanýda, 27 nysan boıynsha jumystar aǵymdaǵy jyldyń sońyna deıin aıaqtalady. Qurylys jumystary barlyq josparlanǵan nysandarda júrgizilýde.
Sondaı-aq, jumys sapary sheńberinde Qaraǵandy oblysyna Osakarov jáne Shet aýdandarynda salynyp jatqan nysandarǵa barý júzege asyryldy.
Óńirde aýylda medıtsınalyq ınfraqurylymdy jańartý úshin ulttyq joba sheńberinde 92 MSAK nysanyn salý josparlanýda, onyń ishinde búgingi kúni 17 nysan boıynsha jumystar aıaqtaldy, 19 nysan boıynsha jumys aǵymdaǵy jyldyń sońyna deıin jáne 56 nysan boıynsha 2025 jyly aıaqtalatyn bolady.
Sapar barysynda aýyl halqyna ýaqtyly bilikti kómek kórsetýdiń, kadrlyq jáne tehnıkalyq qamtamasyz etýdiń, halyqqa medıtsınalyq kómekti úılestirý boıynsha basqa densaýlyq saqtaý uıymdarymen ózara is-qımyldyń ózekti máseleleri, sondaı-aq shalǵaıdaǵy aýyldyq eldi mekenderdiń turǵyndaryna shuǵyl medıtsınalyq kómek kórsetý máseleleri kóterildi.
Buǵan deıin dárigerdiń salǵyrttyǵynan BQO turǵyny aıaǵynan aıyrylǵany anyqtaldy.
