Bıyl egis alqaby 23,8 mln gektarǵa jetedi
ASTANA. KAZINFORM — Qazaqstanda kóktemgi egis jáne dala jumystaryna daıyndyq belsendi jalǵasyp jatyr. bul týraly AShM-niń baspasóz qyzmeti málim etti.
— Búgingi kúnge deıin 804 myń gektar aýyl sharýashylyǵy alqaby qamtyldy. Onyń negizgi bóligin, ıaǵnı 412 myń gektarly dándi daqyldar quraıdy. Sonymen qatar 161 myń gektar mal azyqtyq daqyldar jáne 114 myń gektar maıly daqyldar sebildi. Budan bólek kókónis, baqsha daqyldary, maqta, kartop jáne qant qyzylshasyn egý jumystary da júrgizilip jatyr, — delingen habarlamada.
Soltústik óńirlerde daıyndyq kezeńi jalǵasady. Aýyl sharýashylyǵy taýaryn óndirýshiler topyraqtaǵy ylǵaldy saqtaý jáne bolashaq egis úshin qolaıly jaǵdaı jasaýǵa múmkindik beretin mańyzdy agrotehnıkalyq shara — ylǵal jabý jumystaryn atqaryp jatyr.
Jalpy elimiz boıynsha bıylǵy egis alqaby 23,8 mln gektar, bul ótken jylmen salystyrǵanda 180 myń gektarǵa artyq. Tuqym qory tolyq, atap aıtqanda, 2,3 mln tonna tuqym daıyndaldy, onyń 1,5 mln tonnasy sapa tekserýinen ótken.
Sonymen qatar aýyl sharýashylyǵy óndirýshilerin mıneraldy tyńaıtqyshtarmen qamtamasyz etý jumystary qatar júrgizilýde. Josparlanǵan 2,3 mln tonna kólemniń ishinde 827 myń tonnaǵa kelisimshart jasalyp, onyń 586 myń tonnasy jóneltilgen.
— Egis naýqanyn tabysty ótkizýdiń negizgi kórsetkishteriniń biri — janar-jaǵarmaımen qamtamasyz etý. Osy maqsatta bıylǵy jylǵa 2026 jylǵa sala ókilderi úshin 402,3 myń tonna arzandatylǵan dızel otyny bólindi. Bir lıtrdiń quny 281 teńge, bul naryqtyq baǵadan 15% tómen, — delingen vedomstvonyń habarlamasynda.
Aýyl sharýashylyǵy tehnıkasynyń daıyndyǵv 98%-ǵa jetti, al jappaı dalalyq jumystar bastalǵanǵa deıin 100%-dy qamtymaq. Qazirgi ýaqyttp sharýalardyń qolynda 133,9 myń traktor, 5,6 myń zamanaýı egis kesheni, 71,4 myń tuqym sepkish jáne 188,5 myń topyraq óńdeý tehnıkasy bar.
Datsyndyq jumystaryn der kezinde joǵary deńgeıde júrgizý egis naýqanyn sátti ótkizýge jáne bolashaq ónimniń negizin qalyptastyrýǵa qajetti jaǵdaı jasaıdy.
Eske sala keteıik, 3287 agrarlyq sala ókili egis naýqanyna erte qarjylandyrýǵa qol jetkizgen bolatyn.