Bıyl eginshilerge 700 mlrd teńge bólindi
ASTANA. KAZINFORM – Premer-mınıstr Oljas Bektenov Aýyl sharýashylyǵy mınıstrligine jeńildetilgen nesıeni tıimdi jumys istep turǵan ári jaýapty dıqandardy qoldaýǵa ǵana berýdi tapsyrdy.
- Bıyl eginshilik salasyn qarjylandyrý kólemi 700 mlrd teńgege deıin ulǵaıtyldy. Lızıngke jumsalatyn qarajat 200 mlrd teńgege jetkizildi. Jeńildikpen 400 myń tonnadan astam dızel otyny bólindi. Memleket egis naýqanyn oıdaǵydaı ótkizý úshin qajetti sharalardyń barlyǵyn qabyldady. Jumystardy nátıjeli ári uıymdasqan túrde júzege asyrýymyz qajet. Aýyl sharýashylyǵy mınıstrligi jeńildetilgen nesıeni tıimdiligi men jaýapkershiligi joǵary dıqandardy qoldaýǵa ǵana berýi kerek, - dedi ol Úkimet otyrysynda.
Onyń aıtýynsha, bólingen qarajattyń durys jumsalýy ákimdikterdiń turaqty baqylaýynda bolýǵa tıis.
- Eginshilerdi sapaly jáne tekserýden ótken tuqym qorymen qamtamasyz etý mańyzdy. Ol úshin birinshi kezekte, otandyq óndirýshilerdi yntalandyrý qajet, - dedi Premer-mınıstr.
Sondaı-aq, búgin Energetıka mınıstrligi kóktemgi egis maýsymyna dızel baǵasyn usyndy. Sondaı-aq bıyl elimizde aýyl sharýashylyǵy kásipkerlerine jeńildetilgen lızıngke 200 mlrd teńge bólinedi.