Bıyl da kartop baǵasy sharyqtaı ma? — mınıstr jaýap berdi
ASTANA. KAZINFORM — 2025 jyly byltyrǵydaı kartop tapshylyǵy bolmaıdy. Ol úshin arnaıy sharalar qabyldanyp jatyr.
Bul týraly QR Aýyl sharýashylyǵy mınıstri Aıdarbek Saparov aıtty.
— Jalpy, byltyr kartop shyǵymy jaqsy boldy: 600 myń tonnaǵa jýyǵy eksporttaldy. Al endi ımporttyń kólemi 60 myń tonna, eksporttyń 10 paıyzy ǵana. Bolǵan jaǵdaıǵa baılanysty kartop salý kólemin 9 myń gektarǵa kóbeıtip jatyrmyz. Sondyqtan bıyl ondaı jaǵdaı bolmaıdy dep oılaımyn, — dedi ol Úkimet otyrysynda.
Sondaı-aq mınıstr kartopty saqtaý da ózekti másele ekenin atap ótti.
— Kartopty saqtaý máselesi de ózekti. Qazirgi tańda biz kartop saqtaıtyn oryndardy salyp jatyrmyz, ol boıynsha arnaıy jol kartasy bar jáne ındıkatorlar belgilengen. «Soltústik» tájirıbesi boıynsha 2,5 paıyzǵa kredıt alyp, mundaı saqtaý qoımalary salynyp jatyr. Jeke kásipker ónimin saqtaı almaı jatsa, bizge habarlasady. Biz olarǵa kómektesemiz, — dedi Aıdarbek Saparov.
Osydan buryn búgingi tańda kóktemgi dala jumystaryna daıyndyq aıasynda 6,1 myń sharýaǵa 384,8 mlrd teńge jeńildetilgen nesıe berilgeni habarlandy.