Bıyl da bıtým eksportyna tyıym salynady

ASTANA. KAZINFORM — Energetıka mınıstri Erlan Aqkenjenov vedomstvonyń keńeıtilgen alqa májilisinde bıtým eksportyna bıyl da tyıym salynatynyn aıtty.

— Іshki naryqty tolyq qamtamasyz etý úshin bıtým eksportyna tyıym salynady, — dedi ol.

Mınıstrdiń sózine qaraǵanda 2025 jyly munaı óńdeý kólemi 18,4 mln tonna bolyp, jospar 2,8% artyq oryndalǵan. Al munaı ónimderin óndirý kólemi 15,47 mln tonnaǵa jetken.

Sondaı-aq, byltyr 2040 jylǵa deıingi munaı óńdeý salasyn damytý tujyrymdamasy bekitilip, CaspiBitum zaýytynyń qýaty jylyna 1,5 mln tonnaǵa deıin ulǵaıtylǵany aıtyldy.

— 2026 jyly munaı óńdeý kólemi 18,2 mln tonna, munaı ónimderin óndirý 15,49 mln tonna deńgeıinde josparlanyp otyr. Memleket basshysynyń tapsyrmasyna sáıkes qýaty 10 mln tonna jańa MÓZ salý jobasyn jedeldetý sharalary qabyldanady. PQOP, ANPZ jáne PNHZ-de josparly jóndeý júrgiziledi. Pavlodar MÓZ-de 5,5-ten 9 mln tonnaǵa, Shymkent MÓZ-da 6-dan 12 mln tonnaǵa, Atyraý MÓZ-da 5,5-ten 6,7 mln tonnaǵa deıin keńeıtý jumystary bastalady, — dedi Erlan Aqkenjenov.

Buǵan deıin 2025 jyly Qazaqstan joldaryna 664 myń tonna bıtým tóselgenin jazǵan edik.