Bıyl da 3 myńǵa jýyq jas bilim grantynan bas tartýy múmkin

ASTANA. KAZINFORM – Bıyl da 3 myńǵa jýyq jas memlekettik bilim grantynan bas tartýy múmkin. Bul týraly Úkimet otyrysynan keıingi brıfıngte Ǵylym jáne joǵary bilim mınıstri Saıasat Nurbek aıtty.

- Dástúrli statıstıkaǵa súıensek, jyl saıyn 3-3,5 myń grant kóleminde bas tartylady. Túrli sebebi bar, basqa qalaǵa kóship ketedi, otbasy, densaýlyq jaǵdaıyna baılanysty. Qujattardy tolyq qabyldaý áli aıaqtalǵan joq. 20 tamyzǵa deıin qabyldaımyz. Odan keıin kelisimshartqa kim naqty qol qoıǵany belgili bolady. 20 tamyzdan keıin grant ıelengenderdiń naqty sany anyqtalady. Sodan keıin ekinshi konkýrs jarııalaımyz, - dedi mınıstr.

Sonymen qatar ol memlekettik bilim grantynan tys 5 myńnan astam grant beriletinin aıtty. 

- Sol sebepti eńselerińiz túspesin. Osyndaı múmkindikter bolady. Tamyzdy kútińizder. Granttan bas tartqan stýdentterdiń sany belgili bolǵannan keıin ekinshi konkýrs jarııalaımyz. Bizdiń boljamymyzsha, keminde 3 myń bala granttan bas tartady, - dedi Saıasat Nurbek.