20:47, 20 Maýsym 2024 | GMT +6
Bıyl ChatGPT chaty qazaq tilinde iske qosylady
ASTANA. KAZINFORM – Qazir atalǵan chatty qazaq tilinde qoljetimdi etý baǵytynda jumystar júrip jatyr. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.
«Árıne, ol óte mańyzdy joba. Biz QazLLM degen jobany iske asyryp jatyrmyz, ol qazaq tilindegi úlken tildik model. Qazirgi tańda Nazarbaev Ýnıversıtetimen osy baǵytta jumys istep jatyrmyz. Tokenderdi jınap jatyrmyz, qazirgi ýaqytta 6 mlrd-qa jýyq token jınaldy. Bizdiń maqsat, jyl sońyna deıin 100 mlrd token jınaý. Bıyl jeltoqsanda birinshi nusqasy shyǵady dep otyrmyz», - dedi Jaslan Mádıev vedomstvoda ótken baspasóz máslıhatynda.
Eske sala keteıik, bıyl aqpanda Qazaqstanda ChatGPT chatynyń balamasy jasalatyny týraly habarlaǵan edik.
