Bıyl burshaq daqyldary men maıly tuqymdardan rekordtyq ónim alyndy
ASTANA. KAZINFORM — Bıyl burshaq daqyldary men maıly tuqymdardan rekordtyq ónim alyndy. Bul týraly búgin Úkimet otyrysynda Premer-mınıstrdiń orynbasary – Ulttyq ekonomıka mınıstri Serik Jumanǵarın aıtty.
- Aýyl sharýashylyǵy maýsymdyq ósim kezeńine endi. Aýyl sharýashylyǵyndaǵy jalpy ónim kólemi 6,1 paıyzǵa artyp, qańtar-qazanmen salystyrǵanda 0,7 paıyzdyq tarmaqqa jedeldedi. Ósim ósimdik sharýashylyǵyndaǵy kólemniń 7,6 paıyzǵa ulǵaıýymen qamtamasyz etildi. Bul qolaıly aýa raıy men dándi jáne maıly daqyldardyń joǵary ónimdiligine baılanysty, - dedi mınıstr.
Onyń dereginshe, ekinshi jyl qatarynan dándi daqyldardyń rekordtyq ónimi aldyndy. Ónim kólemi shamamen 27 mln tonna.
- 1 mln tonna kólemde burshaq daqyldarynyń jáne 4,7 mln tonna kólemde maıly tuqymdardyń rekordtyq ónimi alyndy. Maqta jınaý boıynsha joǵary kórsetkishter josparlanyp otyr. Jalpy sala boıynsha eń joǵary ósýdi Aqmola, Qostanaı, Soltústik Qazaqstan oblystary kórsetti, - dedi Serik Jumanǵarın.
Aıta keteıik, Úkimet eldiń 11 aıdaǵy áleýmettik-ekonomıkalyq damý qorytyndysyn qarap jatyr.