Bıyl «Bolashaq» arqyly taǵylymdamadan ótetin qyzmetkerler sanaty bekitildi

ASTANA. KAZINFORM — Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadr daıarlaý jónindegi respýblıkalyq komıssııanyń kezekti otyrysy ótti. 

Komıssııa otyrysynda ǵylymı taǵylymdamalar baǵdarlamasynyń tıimdiligin arttyrý máseleleri talqylandy.

Sonymen qatar komıssııa sheshimimen 2024 jylǵa arnalǵan «Bolashaq» halyqaralyq stıpendııasy aıasynda taǵylymdamadan ótý úshin qyzmetkerler sanattarynyń tizimi bekitildi.

Otyrys qorytyndysy boıynsha Memlekettik keńesshi «Bolashaq» halyqaralyq stıpendııasyn odan ári iske asyrý jóninde naqty tapsyrmalar berdi.