Bıyl bıznestiń órt qaýipsizdigin tekserýge tyıym salatyn moratorıı aıaqtalady
ASTANA. KAZINFORM – 2024 jyldyń ІІ jartysynda elordadaǵy bıznes obektilerine órt qaýipsizdigin qamtý maqsatynda tekserýge moratorıı aıaqtalady. Bul týraly Astana qalasy tótenshe jaǵdaılar departamenti memlekettik órt baqylaý basqarmasynyń bastyǵy Madııar Myrzageldıev málim etti.
«Jyl basynan beri qala aýmaǵynda 30-dan astam órt shyqty. Órttiń shyǵýyna kináli adamdarǵa Qylmys kodeksiniń 410-baby boıynsha ákimshilik jaýapkershilik baryn aıta ketkim keledi. Elimizde 3 jyl boıy shaǵyn jáne orta bıznes obektilerin tekserýge moratorıı boldy. Degenmen órtke qarsy profılaktıkalyq is-sharalardy turaqty ótkizemiz», - dedi Madııar Myrzageldıev qalalyq kommýnıkatsııalar qyzmeti alańynda ótken baspasóz máslıhatynda.
Odan bólek, spıker qaladaǵy obekti ıelerine usynym hattar joldanyp jatqanyn aıtty.
«2024 jyldyń ekinshi jartysynan bastap shaǵyn jáne orta bıznes obektilerine kezekten tys órtke qarsy tekseris júrgizý moratorıı bitedi. Olar tekseriske jatady», - deıdi ol.
Buǵan deıin TJD ókili Astanada órt qaýipsizdigi talaptarynyń oryndalýyn baqylaý maqsatynda hostelderde kezekten tys tekserý júrip jatqanyn aıtqan edi.
