Bıyl bıznes jáne otandyq taýar óndirýshilermen 5 trln teńgege shart jasaldy

ASTANA. KAZINFORM — Bıyl 5 aıdyń qorytyndysy boıynsha shaǵyn jáne orta kásipkerlik sýbektileri jáne otandyq taýar óndirýshilermen 5 trln teńgege 845 000 shart jasaldy. Bul týraly Qarjy vıtse-mınıstri Dáýren Keńbeıil málim etti.

— Búginde 4 834 taýarlar, jumys pen qyzmet ataýyn kózdeıtin ulttyq rejımnen alýdy belgileıtin 6 Úkimet qaýlysy qoldanysta. Bıyl 5 aıdyń qorytyndysy boıynsha 5 trln teńgege 845 000 shart jasaldy. Onyń ishinde shaǵyn jáne orta kásipkerlik sýbektilerimen 534 000 shart, otandyq taýar óndirýshilermen 96 154 shart jasalǵan. Ótken jyly osy kezeńde 2,4 trln teńgege 660 000 shart jasalǵan edi, — dedi Dáýren Keńbeıil Úkimet otyrysynda.

Vıtse-mınıstrdiń málimdeýinshe, bıyl 1 qańtarda bastap qoldanysqa engen tetikter tıimdiligin kórsetip otyr. 

— Qabyldanǵan sharalarmen qatar, otandyq ónim berýshilerdi qoldaý sharalary jalǵasyn tabady, — dep tolyqtyrdy mınıstrdiń orynbasary.

Buǵan deıin memlekettik satyp alý boıynsha otandyq taýar óndirýshilerge 30% mindetti avans beriletini týraly habarlaǵan edik. 

Aıta keteıik, qazaqstandyq taýar óndirýshilerdiń tizimi qaıta jasalady.