Bıyl aınalymy 60 mlrd teńgeni quraıtyn 36 zańsyz krıptoaıyrbastaý pýnkti joıyldy

ASTANA. KAZINFORM - Sońǵy jyldary qylmystyq jolmen alynǵan tabystardy zańdastyrý shemalarynda zańsyz krıptoaıyrbastaýshylar mańyzdy ról atqarady, olar krıptovalıýtany fıattyq valıýtalarǵa jáne kerisinshe konvertatsııalaýǵa múmkindik beredi.

Qarjylyq monıtorıng agenttiginiń dereginshe, mundaı qurylymdar óz klıentterin sáıkestendirmeıdi jáne kúdikti operatsııalardy anyqtamaıdy. Sondyqtan, olardyń qyzmetterin kóbine kıberalaıaqtar men esirtki zattaryn ótkizýshiler paıdalanady.

- 2024 jyly jalpy aınalymy 60 mlrd teńgeni quraıtyn 36 zańsyz krıptoaıyrbastaý pýnkti joıyldy. 4,8 mln USDT (shamamen 2,5 mlrd teńge) somasyna aktıvter buǵattalyp, tárkilendi.

Ulttyq qaýipsizdik komıtetimen, Mádenıet jáne aqparat mınıstrligimen birlesip júrgizgen jumys nátıjesinde 3,5 myńnan astam zańsyz onlaın krıptoaıyrbastaý qyzmeti buǵattaldy, - dep jazdy agenttikten.

Derekke qaraǵanda, ınvestıtsııalar tartý úshin krıptovalıýtany paıdalanǵan eki qarjylyq pıramıda áshkerelendi. 545 myń USDT qaıtaryldy jáne 120 myń USDT buǵattaldy.

Qarjylyq monıtorıng agenttigi krıptotranzaktsııalarǵa baqylaýdy kúsheıtý jáne olardyń qylmystyq maqsattarda qoldanylýyna qarsy kúres júrgizýde halyqaralyq áriptestermen jumysty jalǵastyrýda.

Aqsha jymqyrý salasyndaǵy buzýshylyqtar úshin tsıfrlyq aktıvter provaıderlerine jaýapkershilik júkteıtin zańnamalyq túzetýler ázirlendi.

Qarjy uıymdaryndaǵy krıptovalıýta operatsııalaryn tekserý kúsheıtildi.

Qarjylyq monıtorıng agenttigi qylmystyq shemalarǵa qarsy kúresý maqsatynda qarjylyq operatsııalarǵa tıimdi baqylaý quraldaryn jetildirýdi jalǵastyratyn bolady.

Buǵan deıin Ózbekstanda $2,6 mln krıptoaktıvine zańsyz ıelik etken jasóspirim ustaldy.