Bıyl aýyldyq aımaqtarda 556 medıtsınalyq nysan ashylady

ASTANA. KAZINFORM – Jyl sońynda deıin eldi mekenderde medıtsınalyq alǵashqy kómek kórsetetin 556 nysan ashylady. Bul týraly Densaýlyq saqtaý mınıstri Aqmaral Álnazarova málim etti.

«Aýyldyq densaýlyq saqtaýdy jańǵyrtý» pılottyq ulttyq jobasy sheńberinde el aýmaǵynda barlyǵy 655 medıtsınalyq-sanıtarııalyq alǵashqy kómek nysanyn salý josparlanǵan. Ótken jyly 92 medıtsınalyq-sanıtarııalyq alǵashqy kómek nysanynyń qurylysy aıaqtaldy. Sonymen qatar 7 jobanyń merzimge saı bitpedi. Bıyl 556 medıtsınalyq obektini paıdalanýǵa berý qajet. Qazir 239 joba boıynsha memlekettik saraptamanyń oń qorytyndysy alyndy jáne 317 joba saraptamadan ótip jatyr», - dedi Aqmaral Álnazarova Úkimet otyrysynda. 

Mınıstrdiń málimdeýinshe, atalǵan nysandardy salýǵa qosymsha 99,6 mlrd teńge qarajat qajet. 

Sondaı-aq, A. Álnazarova qurylysy jyl sońyna deıin aıaqtalýy tıis medıtsınalyq nysandardyń sany men merzimin atap kórsetti: 

7 nysan – bıyl maýsym (2023 jyly qurylys bitpegen nysandar); 
210 nysan – qazan;
226 nysan – qarasha;
120 nysan – jeltoqsan.

Aıta keteıik, Úkimet basshysy Oljas Bektenov aýyldaǵy medıtsına obektileriniń qurylysyn synǵa alǵan edi.