Bıyl áýe kóligimen 26,6 mln jolaýshy tasymaldanǵan
ASTANA. KAZINFORM – 2025 jyldyń on aıynda Qazaqstannyń azamattyq avıatsııa salasy turaqty ósim kórsetip, jolaýshylar tasymaly, halyqaralyq baǵyttar men qaýipsizdik standarttary boıynsha aıtarlyqtaı nátıjege qol jetkizdi.
Azamattyq avıatsııa komıtetiniń málimetinshe, eseptik kezeńde áýe kóligimen 26,6 mln jolaýshy tasymaldanǵan. Bul 2024 jyldyń sáıkes kezeńimen salystyrǵanda 8 paıyzǵa kóp. Onyń ishinde otandyq áýe kompanııalary 13,1 mln jolaýshyǵa qyzmet kórsetken.
Áýejaılarda óńdelgen júk kólemi 140 myń tonnaǵa jetti. Bul kórsetkishtiń 23,8 myń tonnasy otandyq áýe kompanııalarynyń úlesine tıesili.
Іshki áýe qatynasy 60 baǵytty qamtyp, aptasyna 821 reıs oryndaldy. Al halyqaralyq marshrýttyq jeli 30 eldi qamtıtyn 131 baǵytqa deıin keńeıip, aptasyna 616 reıs júzege asyryldy.
- Avıatsııalyq qaýipsizdik salasynda da joǵary nátıjeler tirkeldi. Qyrkúıek aıynda Qazaqstan aýmaǵynda IKAO aýdıti júrgizilip, onyń qorytyndysy boıynsha halyqaralyq standarttarǵa sáıkestik deńgeıi 95,7 paıyzdy qurady. Bul álemdik ortasha kórsetkishten jáne Eýropa elderiniń ortasha deńgeıinen aıtarlyqtaı joǵary. Qazaqstan bul kórsetkish boıynsha IKAO-nyń Eýrazııalyq óńirinde kóshbasshylardyń qataryna kirdi, - delingen komıtet dereginde.
Sondaı-aq 2025 jyldyń shilde aıynda IKAO Keńesiniń Prezıdenti Salvatore Shakkıtano Qazaqstanǵa alǵashqy resmı saparymen keldi.
Áýe parkiniń jańartylýy da jalǵasýda. Otandyq áýekompanııalardyń parki 12 jańa ushaqpen tolyqty. Sonymen qatar Memleket basshysynyń AQSh-qa sapary aıasynda Air Astana men Boeing arasynda qosymsha 15 Boeing 787–9 Dreamliner jetkizý týraly kelisim jasaldy. Bul Qazaqstanǵa, sonyń ishinde AQSh-qa tikeleı reıster ashýǵa múmkindik beredi.
Infraqurylymdyq jobalar sheńberinde Aqtaý jáne Astana áýejaılarynyń ushý-qoný jolaqtarynda jóndeý jumystary aıaqtaldy. Balqash áýejaıynyń termınalyn rekonstrýktsııalaý sońǵy kezeńge jetti. Sonymen qatar Katon-Qaraǵaı, Zaısan jáne Kendirli kýrorttyq aımaqtarynda jańa áýejaılar salynýda, al Arqalyq áýejaıynyń qyzmetin qalpyna keltirý jumystary júrgizilip jatyr.
Budan bólek, Úkimet 2025-2031 jyldarǵa arnalǵan azamattyq pılotsyz avıatsııany damytý tujyrymdamasyn qabyldady. Qujatta salany retteý, kadr daıarlaý jáne ǵylymı zertteýler boıynsha strategııalyq baǵyttar belgilengen.
Azamattyq avıatsııany odan ári damytý máseleleri Memleket basshysy deńgeıinde qaralyp, salanyń orta merzimdi damýyna arnalǵan naqty mindetter aıqyndaldy.
Aıta keteıik, áýe kompanııalary merekelik kúnderge qosymsha reıster uıymdastyrady.