Bıyl Atyraýda masa ýlaý jumysyna alǵash ret dron paıdalanylmaq

ATYRAÝ. KAZINFORM — Bıyl Atyraý qalasynda masa ýlaý jumystaryna dron tartylmaq. Mundaı talapty qalalyq turǵyn-úı kommýnaldyq sharýashylyǵy jáne turǵyn úı ınspektsııasy bólimi dezınsektsııa jumysyn tapsyratyn eki merdiger mekemege qoıyp otyr.

Mamandar jaıaý baryp óńdeýi qıyn ýchaskelerdi endi ushý apparaty arqyly ýlaıdy.

Jaıyq ózeniniń eki jaǵalaýyn ýlaý jumysy boıynsha bólek-bólek tender jarııalanady. Bul úshin qazynadan 200 mln teńge qarjy qaralǵan. Jýyqta memlekettik satyp alý portalyna konkýrs jarııalanady, jeńimpaz aıaqtalǵannan keıin kóp uzamaı jumys bastalady.

— 2025 jyly jańa formatta masa ýlaý jumysyn júrgizdik. Atap aıtqanda, qala aýmaǵyn ekige bólý jaqsy nátıjesin berdi. Merdiger mekemelerdiń ýlaý jumysyn atqarýǵa arnaıy tehnıkalary, birneshe mobıldik brıgada jáne demalys kúnderi nemese túngi ýaqytta dezınsektsııa júrgizýi kerek. Masaǵa qarsy qoldanylatyn preparattar adam ómirine qaýipsiz bolýy shart. Qoldanylǵan dárini zańnamaǵa sáıkes joıýǵa tıisti, — dedi bólimniń bas mamany Eldar Qarıpollaev.

Ashyq sý qoımalary kestege saı ýlanyp otyrady. Olardyń ishinde Jaıyq ózeniniń jaǵalaýy, Erik-Mostovoı kanaly, býlaný alańdary bar.

Aıta keteıik, Atyraý qalasyna qarasty 6 aýyldyq okrýgtiń árqaısysy tender jarııalap, óz aýmaqtaryna dezınsektsııa júrgizýi kerek.

Osyǵan deıin Atyraýda 600 myń gektarǵa jýyq jer memleket menshigine qaıtarylǵanyn jazǵan edik.