Bıyl Atyraýda bylapyt sóz aıtqany úshin 284 adam qamalǵan
ATYRAÝ. KAZINFORM – Atyraý qalasynda qoǵamdyq oryndarda jáne áleýmettik jelilerde bylapyt sóz aıtyp, ózgeniń ar-namysyna tıgender kóbeıip barady. Bıyldyń ózinde osyndaı 570-ten asa derek boıynsha ákimshilik is qaralǵan.
Atyraý qalalyq ákimshilik quqyq buzýshylyq jónindegi mamandandyrylǵan sotynyń málimetinshe, onyń 290-y qoǵamdyq orynda balaǵat sóz qoldanýǵa qatysty bolsa, 283 is áleýmettik jelidegi jazylǵan jáne aıtylǵan bylapyt sózderge qatysty.
Jalpy atalǵan ister boıynsha 474 adam ákimshilik jaýapkershilikke tartylǵan. Onyń ishinde 284 adamǵa ákimshilik qamaq jazasy taǵaıyndalyp, 190 azamatqa aıyppul salynǵan.
– Byltyr bir jyldyń ishinde 787 isti qaradyq. Bıyl qoǵamdyq oryndarda bylapyt sóıleýge, sondaı-aq TikTok, Instagram, qazir tanymal bolyp jatqan Threads áleýmettik jelilerinde balaǵat sóz jazýǵa jáne adamnyń ar-namysyna tıgen sózderge qatysty ister tirkelýde,- dedi Atyraý qalalyq ákimshilik quqyq buzýshylyq jónindegi mamandandyrylǵan sotynyń sýdıasy Gúljan Azamat.
Mamandardyń aıtýynsha, áleýmettik jelilerde kóbine laýazymdy tulǵalardy balaǵattap, ar-namysyna tıetin jazbalar jarııalaý faktileri kezdesedi. Mundaı jaǵdaılar polıtsııanyń áleýmettik jelige monıtorıng jasaý kezinde anyqtalady.
Al qoǵamdyq oryndarda bylapyt sóz qoldaný kóbine jastar arasynda kezdesedi. Ásirese qyz ben jigit arasyndaǵy janjal, sondaı-aq kórshiler arasyndaǵy daý-damaı balaǵat sózge ulasyp, sońy sotqa deıin jetetin jaǵdaılar bar.
Mamandar azamattarǵa áleýmettik jelidegi jazbalary men tikeleı efırdegi sózderine de jaýapkershilik bar ekenin eskertedi. ıAǵnı zań aldynda tek aıtylǵan sóz ǵana emes, jazylǵan nemese beınejazba arqyly jarııalanǵan balaǵat sóz de jaýapsyz qalmaıdy.
Buǵan deıin Semeıde TikTok efırinde bylapyt sóz aıtqan áıel sottalǵanyn jazǵan edik.
