18:08, 29 Maýsym 2024 | GMT +6
Bıyl Astananyń qoǵamdyq kólik parkine 300-den asa jańa avtobýs jetkiziledi
ASTANA.KAZINFORM — Astana qalasynyń ákimi Jeńis Qasymbek Instagram paraqshasynda qalaǵa jetkiziletin avtobýstar týraly málim etti.
«Qalaǵa taǵy 100 avtobýs jetkizildi. Olar tehnıkalyq daıyndyqtan keıin birneshe kúnnen soń jelige shyǵady. Bul avtobýstar jelidegi avtobýstardyń sanyn arttyrady, osylaısha kútý aralyǵyn qysqartady. Jańa marshrýttar iske qosylyp, eski avtobýstardy kezeń-kezeńimen almastyrady jáne t.b. Osyǵan deıin bıyl qalaǵa 100-ge jýyq avtobýs jetkizildi. Bıyl barlyǵy 320 avtobýs jetkizýdi josparlap otyrmyz, onyń ishinde jeke avtoparkter qarajaty esebinen de qarastyrylady. Byltyr, máselen qoǵamdyq kólik parki 400 avtobýsqa ulǵaıdy», – dep jazdy Jeńis Qasymbek.
