Bıyl Astanada myńnan astam adam qyzylsha juqtyrdy
ASTANA. KAZINFORM – 21-27 sáýir kúnderi elordada ımmýndaý aptalyǵy ótedi. Astananyń Bas memlekettik sanıtarııalyq dárigeri Sarhat Beısenovanyń aıtýynsha, profılaktıkalyq egýler arqyly qazir dıfterııa, sirespe, polıomıelıt, qyzamyq, qutyrý, V tıpti gemofıldi ınfektsııa, pnevmokokkty ınfektsııalar joq, al parotıt jekelegen jaǵdaılar túrinde tirkeledi.
«Degenmen profılaktıkalyq egýdiń tómen kórsetkishteri keıbir ınfektsııalardyń ósýine ákeldi. Mysaly: qyzylsha, kókjótel jáne A vırýstyq gepatıti. Jyl basynan beri úsh aıda qyzylshanyń 1063 jaǵdaıy tirkeldi, onyń ishinde 14 jasqa deıin 734 bala aýyrǵan. Naýqastardyń 84% qyzylshaǵa qarsy egilmegen», - dedi S. Beısenova Astana kommýnıkatsııalar qyzmetinde ótken brıfıngte.
2023 jyldyń qarasha aıynan bastap elordada qosymsha 114 464 adam ekpe aldy, bul 94,6% quraıdy. Epıdemıologııalyq kórsetkishter boıynsha ınfektsııa oshaqtarynda 2248 adam egildi.
Bul sharalar naýryz aıynda qyzylsha aýrýynyń qańtar aıymen salystyrǵanda 1,4 ese, al 1-4 jastaǵy balalar arasynda – 1,5 ese tómendeýine áser etti.
Aıta keteıik, elimizde 11 ınfektsııaǵa qarsy barlyq mindetti ekpeler bıýdjet qarajaty esebinen tegin júrgiziledi. Sonymen qatar, bıyl 11 jastaǵy qyzdarǵa adam papılomasy vırýsyna qarsy ekpe salyna bastaıdy.
