Bıyl Astanada 9 aıda 83 jasóspirim sýıtsıd jasaǵan
Elordada jasóspirimder arasynda sýıtsıd jasaý kórsetkishi ótken jylmen salystyrǵanda 16%-ǵa ósken jáne kóbine qyzdar sýıtsıdke barady. Bul týraly Astana qalasy qoǵamdyq densaýlyq saqtaý basqarmasynyń basshysy Álııa Rústemova málim etti, dep habarlaıdy Kazinform.
«Qalalyq psıhıkalyq densaýlyq ortalyǵy júrgizgen Astana qalasy boıynsha kámeletke tolmaǵandardyń sýıtsıdtik áreketteri monıtorınginiń derekteri boıynsha aǵymdaǵy jyldyń 9 aıynda Astana qalasynda kámeletke tolmaǵandar arasynda 83 sýıtsıd jaǵdaıy tirkeldi. Bul ótken jylmen salystyrǵanda 16%-ǵa artyq. Onyń ishinde 81,3% - qyzdar», - dedi Álııa Rústemova qalalyq máslıhattyń jalpy otyrysynda.
Onyń aıtýynsha, kámeletke tolmaǵandardyń sýıtsıdke barýyna sebep bolatyn jaılardyń ishinde otbasyndaǵy janjal birinshi orynda tur.
«Odan bólek, 32 jaǵdaıda nemese 38,6% qurdastary nemese dostarymen janjaldasý sebep bolǵan. Depressııa 9 jaǵdaı nemese 9,6%. Bizde balalar sýıtsıdology jumys isteıtin №3 qalalyq emhanada balalar úshin shuǵyl psıhologııalyq kómek kabınetteri jumys isteıdi», – deıdi ol.
