Bıyl Astana mektepteri 31 myń balany 1 synypqa qabyldaıdy

ASTANA. KAZINFORM — Astana qalasy bilim basqarmasy basshysynyń orynbasary Marjangúl Qaıyrbaeva qala ákimdiginiń 2025-2026 jylǵy oqý jylyna daıyndyq barysy týraly málimet berdi.

— Bıyl Astana mektepterine 31 myńnan astam birinshi synyp oqýshysy barady dep kútilip otyr. Qazir sonyń 30 057-si esepke alyndy. 1 qyrkúıekte sabaq bastaıtyn jalpy oqýshylardyń sany týraly boljam — 310 myń baladan asady, — dedi ol óńirlik kommýnıkatsııalar qyzmetiniń onlaın baspasóz máslıhatynda.

Aıtýynsha, bıyl tehnıkalyq-kásiptik bilim berý baǵytynda 10 myń orynǵa memlekettik tapsyrys berilgen.

— Onyń ishinde 3646 oryn jumysshy mamandyqtarǵa, 6354 oryn orta býyn men qoldanbaly bakalavrıatqa arnalǵan, — dedi Marjangúl Qaıyrbaeva.

Buǵan deıin bıylǵy oqý jylynda 138 myń oqýshy jańartylǵan mektepterde bilim alatyny aıtylǵan bolatyn.