Bıyl Astana halyqaralyq forýmy ótedi
ASTANA. KAZINFORM – Úkimet basshysynyń Astana halyqaralyq forýmyn ótkizý týraly ókimi shyqty.
– Astana halyqaralyq forýmyn daıyndaýdyń jáne ótkizýdiń uıymdastyrýshylyq jáne mazmundyq máselelerin sheshý úshin Astana halyqaralyq forýmyn daıyndaý jáne ony ótkizý jónindegi uıymdastyrý komıtetiniń quramy bekitilsin. Uıymdastyrý komıteti Astana halyqaralyq forýmynyń joǵary halyqaralyq deńgeıde daıyndalýyn jáne ótkizilýin uıymdastyrýdy, onyń ishinde memlekettik organdar men uıymdardyń Astana halyqaralyq forýmyn daıyndaý jáne ony ótkizý jónindegi qyzmetin úılestirýdi qamtamasyz etsin, - delingen ókimde.
Forýmdy uıymdastyrý jáne baqylaý Premer-Mınıstrdiń orynbasary – Ulttyq ekonomıka mınıstrine júkteldi. Sonymen qatar Astana halyqaralyq forýmyn daıyndaý jáne ony ótkizý jónindegi uıymdastyrý komıtetiniń quramy bekitildi.
Eske sala ketsek, byltyr sý tasqynyna baılanysty Astana halyqaralyq forýmy ótpedi.
Sondaı-aq ótken jyly qarashada Memleket basshysy Qasym-Jomart Toqaev Horvatııa Premer-mınıstrin Astana halyqaralyq forýmyna shaqyrǵan edi.