Bıyl arhıv qorlarynda 74 myń is saqtalǵan
ASTANA.KAZINFORM - Bıyl Ulttyq arhıv qory 300 myńǵa kóbeıdi. Qazir 27,9 mıllıon birlik saqtalǵan.
QR Mádenıet jáne aqparat mınıstrligi baspasóz qyzmeti málimetinshe, 2025 jyly arhıv qorlaryna 74 myń is qosyldy.
Ulttyq quryltaıdyń IV otyrysynda Memleket basshysy Qasym-Jomart Toqaev arhıv qujattaryn tsıfrlandyrýdyń, Ulttyq tsıfrlyq arhıv qurýdyń jáne ony otandyq ári sheteldik neırojeli ázirleýshilerine ashyq qoljetimdi etýdiń mańyzyn atap ótti.
Búginde 2 624 404 saqtaý birligi tsıfrlandy, sonyń ishinde 123 myńnan astamy jedeldetilgen tártippen osy jyly sandyq formatqa kóshirildi. Tarıhı qujattardy saqtaý jáne olardy bolashaq urpaqqa tabystaý — eń mańyzdy ári jaýapty mindetterdiń biri.
Qujattardyń tıisti deńgeıde saqtalýyn qamtamasyz etý úshin olardyń kásibı óńdelýi, konservatsııasy men restavratsııasy arnaıy protsester arqyly júzege asady. Osy baǵytta mamandar 10 myń saqtaý birligine tıesili 150 myń betti qalpyna keltirdi.
Buǵan qosa, jyl ótken saıyn paıdalanýshylardyń arhıv qujattaryna degen qyzyǵýshylyǵy artyp keledi. 2024 jyly elimizdegi arhıvter 2,2 mıllıonnan astam saqtaý birligin paıdalanýǵa usynsa, bıyldyń ózinde 600 myńnan astam suranys túsken.
Aıta keteıik, elimizdiń birqatar óńirinde arhıv qoımalary salynady. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.