Bıyl alty aıda Ulttyq qor 4,7 mlrd dollar ınvestıtsııalyq tabyspen tolyqty

ASTANA. KAZINFORM — Jyl basynan beri Ulttyq qordyń aktıvteri 2,6 paıyzǵa ulǵaıyp, 60,3 mlrd dollarǵa jetti.

Bul týraly Ulttyq bank tóraǵasy Tımýr Súleımenov málim etti.

— Jalpy halyqaralyq rezervter jyl basynan 7,4%-ke ósip, 112,3 mlrd dollar boldy. Ulttyq banktiń altyn-valıýta rezervteri jyl basynan 52 mlrd dollarǵa deıin, ıaǵnı 13,5%-ke ulǵaıdy, — dedi Tımýr Súleımenov Úkimet otyrysynda.

Onyń aıtýynsha, ulttyq qordyń aktıvteri jyl basynan 2,6%-ke ulǵaıyp, 60,3 mlrd dollarǵa jetti.

— Jyl basynan beri ulttyq qorǵa túsetin túsim 1,8 trln teńge, al ulttyq qordan respýblıkalyq bıýdjetke transfert kólemi 3,1 trln teńge boldy. Ulttyq qordyń 6 aıdaǵy ınvestıtsııalyq tabysy 7,8% nemese 4,7 mlrd dollar bolǵanyn atap ótý qajet, — deıdi ol.

Aıta keteıik, bıyl alty aıda eldegi ınflıatsııa 11,8 paıyzdy qurady.