Bıyl alty aıda eldegi ınflıatsııa 11,8 paıyz boldy

ASTANA. KAZINFORM — Elimizdiń ishki ekonomıkada proınflıatsııalyq qysym saqtalyp otyr. Bul týraly Ulttyq bank tóraǵasy Tımýr Súleımenov málim etti.

— Maýsymnyń qorytyndysy boıynsha jyldyq ınflıatsııa 11,8% deńgeıinde qalyptasty. Maýsymda azyq-túlik ınflıatsııasy 10,6%-ti, azyq-túlikke jatpaıtyn taýarlar baǵasynyń ınflıatsııasy 9,4%-ti qurady. Aqyly qyzmet baǵasynyń ósýi jalpy ınflıatsııaǵa aıtarlyqtaı úles qosty. Jyldyq kórsetkish 16,1% boldy. Aılyq ınflıatsııa maýsymda 0,8%-ti qurap, ortasha tarıhı mánderden joǵary qalyptasty, — dedi Tımýr Súleımenov Úkimet otyrysynda.

Ulttyq bank tóraǵasynyń málimdeýinshe, jalpy alǵanda, ishki ekonomıkada proınflıatsııalyq qysym saqtalyp otyr.

— Syrtqy ortada saýda geosaıası jaǵdaıǵa baılanysty naryqta qubylmaly bolyp otyr jáne Reseı rýbliniń nyǵaıýy baıqalady. Osy oraıda Ulttyq bank bıyl 7 naýryzda bazalyq mólsherlemeni 16,5%-ke deıin kóterip, sáýir-shilde aılarynda sol deńgeıde mólsherlemeni saqtady. Qalyptasqan joǵary ınflıatsııa ustamdy qatań aqsha-kredıt shartyn buryn boljanǵannan uzaq saqtaý qajet, — deıdi ol.

Aıta keteıik, bıyl alty aıda Qazaqstan ekonomıkasy 6 aıda 6,2 paıyz ósim kórsetti.