Bıyl Almatyda metronyń jańa stantsııalary ashyla ma

ALMATY. KAZINFORM – Bıyl jańa metro stantsııalaryn paıdalanýǵa berý josparda joq. Bul týraly qalalyq mobıldilik basqarmasy basshysynyń orynbasary Asan Bostanov aıtty.

Алматы
Фото: newauto.kz

Kazinform agenttiginiń resmı saýalyna jaýap bergen basqarma ókiliniń aıtýynsha, bas jospardy júzege asyrý aıasynda bıyl kólik jelisiniń negizgi ýchaskelerinde qurylys-montajdaý jumystary josparlanǵan.

– Osy jyly jańa metro stantsııalaryn paıdalanýǵa berý josparda joq. Bıyl Raıymbek dańǵyly boıynsha BRT-nyń birinshi ýchaskesin salýdy bastaımyz. Qurylys Jeltoqsan kóshesi boıynsha Tımırıazev kóshesinen Raıymbek dańǵylyna deıingi aralyqty qamtıtyn bolady. Jeltoqsan kóshesiniń boıyndaǵy qoldanystaǵy tarmaqtan Raıymbek dańǵylyna deıin 4,6 shaqyrym, sondaı-aq Raıymbek dańǵyly boıyndaǵy Altyn Orda kóshesinen Pýshkın kóshesine deıin uzyndyǵy 17 shaqyrym jol salynady, - dedi ol.

Buǵan deıin Almatyda metropolıtenniń úshinshi kezeginiń qurylysy aıasynda 2025 jyly «Qalqaman» metro stantsııasy salynatyny jáne onyń jolaýshylar sanyn táýligine 20 myń adamǵa arttyrýǵa múmkindik beretini aıtylǵan edi. 

Keıin Naýryzbaı aýdanyndaǵy «Qalqaman» metro stansasy 2026 jyly paıdalanýǵa beriletini belgili boldy. Nysan Abaı dańǵyly boıynda Áshimov pen Aıbergenov kósheleriniń arasynda salynyp jatyr. 

Megapolıste jańa metro beketin salý úshin jer ýchaskeleri satyp alynady. 

Osyǵan deıin Almatyda «Barlyq» bazaryna deıin jáne áýejaıǵa qaraı jańa metro jelileri salynatyny týraly jazǵan edik.

Сейчас читают