Bıyl Almatyda eki iri jolaıyryq qurylysy aıaqtalady
ALMATY. KAZINFORM - Bıyl Almatyda eki iri jolaıryq qurylysy men eki kósheni uzartý jumystary aıaqtalady.
Almatyda jol ınfraqurylymyn damytý aıasynda qala ákimi Erbolat Dosaevtyń tapsyrmasymen jolaıyryqtar salý, magıstraldyq joldar men radıaldy kóshelerdi uzartý jumystary júrgizilýde.
Almaty ákimdiginen atap ótkendeı, 2024 jyldyń sońynda Seıfýllın dańǵyly men Jansúgirov kóshesiniń qıylysynda jolaıryqty ashý josparlanyp otyr.
Joba aıasynda Seıfýllın dańǵylynda kólikterdiń kedergisiz júrýi úshin jalpy uzyndyǵy 690 metr bolatyn eki túnel salý kózdelgen. Jansúgirov kóshesinde 4 jer ústi jaıaý júrginshiler ótkeli salynyp, trotýarlar jáne kógaldandyrý qarastyrylǵan.
«Osy jyldyń jyldyń 3-toqsanynda Saın kóshesi men Móńke bı kóshesiniń qıylysyndaǵy jolaıyryq qoldanysqa beriledi. Bul «jońyshqa japyraǵy» tıptes jolaıyryq, túrli baǵyty ári kireberisi bolady. Uzyndyǵy 2,3 km bolatyn trotýarlar men velojoldar salý qarastyrylǵan», - dep habarlady qalalyq ákimdikten.
Buǵan qosa, 2024 jyldyń sońyna deıin eki kósheni uzartý aıaqtalady. Birinshisi – Saın kóshesiniń boıymen Rysqulov dańǵylynan Aqyn Sara kóshesine deıingi jalpy uzyndyǵy 3,2 km jol.B. Momyshuly kóshesindegi kólik júktemesi 30%-ǵa tómendeıdi dep boljanyp otyr.
Ekinshisi – Abaı dańǵylynan B.Momyshuly kóshesinen qala shekarasyna deıin. Jalpy uzyndyǵy 5,3 km bolatyn kósheni uzartý megapolıs ortalyǵynan Úlken Almaty aınalma avtomobıl jolynda (ÚAAAJ) batys baǵytta qosymsha dálizdi qamtamasyz etedi.
«Qazir Rysqulov dańǵylyn F.Ońǵarsynova kóshesinen qala shekarasyna deıin uzartý qolǵa alynǵan. Ýchaskeniń jalpy uzyndyǵy – 2,3 km. Kelesi jyly Tilendıev kóshesin Rysqulov dańǵylynan qala shekarasyna deıin uzartý bastalady. Búginde jobalaý-smetalyq qujattama ázirlenip jatyr. Onyń jalpy uzyndyǵy 10,5 km. Dál osy kezeńde Soltústik aınalma kóshesin uzyndyǵy 1,2 km bolatyn qala shekarasyna deıingi uzartýdy bastaý kózdelgen»,- dep atap ákimdikten.