Bıyl Almaty oblysy ormandarynan 7 márte órt shyqqan
ALMATY. KAZINFORM — Óńirlik kommýnıkatsııalar qyzmetiniń alańynda Almaty oblysy TJD memlekettik órt baqylaý basqarmasynyń bastyǵy Samat Kenjehan oblys ormandarynda bıyl 7 ret órt shyqqanyn málimdedi.
Onyń aıtýynsha, órt aýa raıynyń qolaısyzdyǵynan jáne dala alqaptarynda azamattardyń qarapaıym qaýipsizdik erejelerin saqtamaýynan týyndaıdy.
«Qazirgi tańda tilsiz jaýdy boldyrmaý maqsatynda departament qyzmetkeleri arnaıy reıd ótkizip jatyr. Azamattyq qorǵaý kúshteri, jergilikti polıtsııa qyzmeti, orman mekemeleri men JAO-dan 81 adamnan turatyn 18 mobıldi top qurylyp, jumys turaqty júrgizilýde», — dedi Samat Kenjehan.
Sonymen qatar departament ókiliniń aıtýynsha, 131 eldimekenge irgeles aýmaqtar qurǵaq ósimdikter men janǵysh qoqystan tazartylǵan.
Al Amanat partııasy Almaty oblystyq fılıalynyń saıası bólimniń meńgerýshisi Erjan Nurpeıisov 2023-2024 jyldarǵa arnalǵan «Halyqpen birge» baǵdarlamasy aıasynda Almaty oblysyna 22 órt sóndirý beketteriniń qurylysyn bastap jáne halyqty habardar etýge 438 sırena-dybysty qondyrǵylar satyp alý kózdelgenin atap ótti.
Aıta keteıik, buǵan deıin Almaty oblysyndaǵy qoqys polıgonynan órt shyqqanyn jazǵan edik.
