Bıyl alǵashqy qazaqstandyq Samsung teledıdarlary satylymǵa shyǵady
ASTANA. KAZINFORM — Premer-mınıstrdiń birinshi orynbasary Roman Sklıar Samsung Electronics Central Eurasia kompanııasynyń prezıdenti ıÝdjın Djongpen kezdesý ótkizdi.
Úkimettiń baspasóz qyzmetiniń málimetinshe, kezdesýde taraptar yntymaqtastyqtyń ózekti máselelerin talqylady.
Roman Sklıar jergilikti óndirýshilerdi jahandyq jetkizý tizbegine engizý, oqshaýlaýdy tereńdetý, óndiristiń ósimin qamtamasyz etý jáne shyǵarylatyn ónim nomenklatýrasyn keńeıtý jumystaryn jalǵastyrýdyń mańyzdylyǵyn atap ótti.
Kezdesý aıasynda Samsung Electronics Central Eurasia men Silkroad Electronics zaýyty arasynda kelisimge qol qoıyldy, onyń sheńberinde Samsung kompanııasynyń alǵashqy qazaqstandyq teledıdarlary 2025 jyldyń ekinshi toqsanynda satylymǵa shyǵady.
Bul joba otandyq mashına jasaý salasy úshin qosymsha múmkindikter ashyp, joǵary bilikti jańa jumys oryndaryn ashýǵa septigin tıgizedi.
Sondaı-aq kezdesý barysynda turmystyq tehnıka óndirisi jáne tyǵyz kooperatsııalyq baılanystardy odan ári damytý salasyndaǵy basqa da birqatar másele talqylandy.
Aıta keteıik, osydan buryn Roman Sklıardyń tóraǵalyǵymen Investıtsııalar tartý jónindegi keńestiń kezekti otyrysy ótkenin jazdyq.