Bıyl Aqtaýda Turkiskills chempıonaty ótedi
ASTANA. KAZINFORM – Bıyl Túrkitildes elderdiń arasynda bolashaq jumysshy mamandar arasyndaǵy alǵashqy Turkiskills chempıonaty ótedi. Bul týraly Oqý-aǵartý mınıstri Ǵanı Beısembaev Úkimet otyrysynda málim etti.
- Bıyl túrkitildes elderdiń arasynda bolashaq jumysshy mamandardyń kásibı sheberligin shyńdaýǵa baǵyttalǵan alǵashqy Túrkskılz (Turkiskills) chempıonatyn ótkizý josparlanýda.
Bul is-sharanyń túpki maqsaty - ártúrli saladaǵy úzdik tájirıbelerdi anyqtap, ekonomıkasy tyǵyz baılanysty memlekettermen ınnovatsııalyq sheshimdermen almasyp, olardy óndiriske engizýge jol ashatyn alań qurý, - dedi ol.
Mınıstrdiń sózinshe, atalǵan chempıonatta Túrksoı uıymynyń músheleri qatyspaq.
- Túrksoı uıymynyń 2025 jylǵy mádenı astanasy Aqtaý qalasy tańdalǵandyqtan atalǵan is-shara Mańǵystaý oblysy ákimdigimen birlese uıymdastyrý josparlanyp otyr, - dedi vedomstvo basshysy.
Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵany edi.