Bıyl Aqmola oblysyna 530 mlrd teńge ınvestıtsııa tartylǵan

Bıyl Aqmola oblysyna 530 mlrd teńge ınvestıtsııa tartylǵan. Bul týraly óńir ákimi Marat Ahmetjanov ortalyq kommýnıkatsııalar qyzmetinde ótken brıfıngide aıtty, dep habarlaıdy Kazinform.

«Bıyl aımaqqa 530 mlrd teńgeden astam ınvestıtsııa tartyldy. Bul ótken jylmen salystyrǵanda 7 paıyz kóp. Jeke ınvestıtsııalyq jobany tabysty iske asyrý kórsetkishterdiń ósýine ákeledi. Bıyl 185 mlrd teńgege 154 joba iske asyryldy. 1,5 myń aqmolalyq jańa jumys oryndaryna ıe boldy», - dedi Marat Ahmetjanov.

Sondaı-aq, ol salynǵan ınvestıtsııanyń jartysynan kóbi jańartylatyn energııa kózderine tartylǵanyn atap ótti.

«Arshaly aýdanynda qýaty 150 MVt bolatyn, oblystaǵy eń iri jel elektr stantsııasynyń birinshi satysy paıdalanýǵa berildi. Zerendi jáne Ereımentaý aýdandarynda jalpy qýaty 30 MVt-tan asatyn 3 jel elektr stantsııasy iske qosyldy. Qosshy qalasynda 7,5 mlrd teńgege mektep-gımnazııa salyndy.
Jeltoqsan aıynda Qosshyda «IL Tov» JShS qus etin óńdeý zaýytyn ashady. Aqkól aýdanynda «Sirius Plus» emdeý-saýyqtyrý qonaq úı kesheni qoldanysqa beriledi. Jalpy, 2023 jyly ınvestıtsııa kólemi 240 mlrd teńgeden asatyn 223 jobany iske qosyldy», - dedi aımaq basshysy.

Onyń paıymynsha, Aqmol oblysynyń ınvestorlar úshin tartymdy bolýyna Astanaǵa jaqyn jatqany áser etip otyr.

«Árıne, adamı resýrs ta oǵan oń áserin tıgizedi. Sebebi resmı málimet boıynsha, oblysta halyq sany 7,5% ósken. Biz, halyqtyń ıgiligi úshin, jańa ınvestorlarmen atsalysyp jumys isteýge daıynbyz», - dedi Marat Ahmetjanov.