Bıyl Aqkól-Jaıylma lımandaryna 115 mln tekshe metr sý jiberilgen
PAVLODAR. KAZINFORM — Eki aıdyń ishinde Qanysh Sátbaev atyndaǵy kanal arqyly 21 myń gektardan astam lımandy jerler sýǵa qanyqqan.
Lımandy alqaptar Ekibastuzdyń Ekibastuz, Aqkól, Saryqamys aýyldyq okrýgterinde jáne Aqtoǵaı aýdanynyń Jolboldy, Basqamys, Jalaýly aýyldyq okrýgterinde ornalasqan.
— Sý resýrstary jáne ırrıgatsııa mınıstrligi bıyl kóktemde 115 mln tekshe metr sý jiberýdi maquldaǵan. Bul sheshimdi biz sáýir-mamyr aılarynda tolyǵymen oryndadyq. Áýeli 4 sáýirde Sátbaev atyndaǵy kanaldyń № 112 shlıýzi ashyldy. Odan keıin ózge birneshe shıýzden sý bosattyq. Nátıjesinde Aqkól-Jaıylmadaǵy lımandar jalpy kólemi 115 mln tekshe metr sý aldy, — dep habarlady «QazSýShar» RMM-niń Pavlodardaǵy fılıalynan.
Buǵan qosa kásiporyn Maı aýdanyndaǵy Qolybaı lımanyna da sý jiberdi. 14 597 gektardyń 12 myńnan astam gektaryn «QazSýShar» sýlandyrǵan.
Bıyl Sátbaev kanalynan Shiderti ózeni jaıylmasyna rekordyq kólemde sý jiberiletinin habarlaǵanbyz.