Bıyl aqyly joldardan 100 mlrd teńge túsýi múmkin

ASTANA. KAZINFORM — «QazAvtoJol» UK» AQ basqarma tóraǵasy Darhan Imanashev bıyl aqyly joldardan qansha qarajat túsýi múmkin ekenin aıtty.

Aıta keteıik, búgin Úkimet otyrysynda ol ótken jyly aqyly joldardan 87 mlrd teńge kiris túsken aıtty. Bul qarajat tolyqtaı joldardy kútip-ustaýǵa baǵyttalǵan. Osy oraıda otyrys bitkennen keıingi brıfıngte BAQ ókilderi odan bul somanyń tym kóp ekenin aıtyp, kúmán keltirgen edi.

- 87 mlrd teńgeni jalǵan kórsetý múmkin emes. Túsken qarajatty esepteıtin aqparattyq júıege tólengen aqsha, kólik nómiri syndy barlyq aqparat tolyq engiziledi. Sol sebepti 87 mlrd teńge naqty tsıfr. Al bıylǵy jospar - 100 mlrd teńge. Jalpy, ótken jyly túsken qarajattyń artý sebebi jańadan 1 myń shaqyrym aqyly jol engizdik. Bıyl 6 nysandy engizý josparda bar, - dedi Darhan Imanashev.

Bıyl Qaraǵandy–Balqash–Býrylbaıtal, Burylbaıtal–Kúrti, Aqtóbe–Qandyaǵash–Maqat, Taldyqorǵan–Óskemen, Atyraý– Astrahan, Merki–Shý–Býrylbaıtal joldarynda aqyly ýchaskeler engizilmpek.