Bıyl Abaı oblysynda ınvestıtsııa tartý 103,1 paıyzǵa ósken

ASTANA. KAZINFORM — Abaı oblysynyń ákimi Berik Ýálı óńirdiń 9 aı ishindegi áleýmettik-ekonomıkalyq damýy týraly esep berdi. 

— Bıyl 9 aıdyń qorytyndysy boıynsha oblystyń áleýmettik-ekonomıkalyq damý kórsetkishteriniń oń ósim baıqaldy. Atap aıtqanda, kólik salasynda 123,4%, baılanysta — 106,4%, óńdeý ónerkásibinde — 101,3%, ishki saýdada — 105,9%, aýyl sharýashylyǵynda — 102,8%, ınvestıtsııada — 103,1% ósim tirkeldi. 10 aıda memlekettik bıýdjetke oblystan 137,3% ósimmen 441,4 mlrd teńge salyq pen basqa da mindetti tólemder tústi. Onyń 71,7% (316,7 mlrd teńge) — respýblıkalyq, 28,3% — jergilikti bıýdjetke (124,7 mlrd teńge) tústi, — dedi Berik Ýálı ortalyq kommýnıkatsııalar qyzmeti alańynda ótken baspasóz máslıhatynda.

Óńir basshysynyń málimdeýinshe, oblys qurylǵanda bıýdjet kólemi 251,3 mlrd teńge bolsa, búginde ol 2 ese ósip otyr.

— Bıyl oblys bıýdjetiniń kólemi 500,9 mlrd teńge boldy. Bıýdjettiń 45,4%-y (227,3 mlrd teńge) áleýmettik salaǵa baǵyttalǵan, — dep esep berdi ákim.

Aıta ketsek, óńir basshysy Berik Ýálı Semeıdegi úsh deneshynyqtyrý-saýyqtyrý kesheniniń qurylys barysymen tanysty.