Bıyl Abaı atyndaǵy memlekettik syılyq berilmeıtin boldy
ASTANA. KAZINFORM — Vıtse-Prezıdent Erlan Qarınniń tóraǵalyǵymen 2026 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııanyń qorytyndy otyrysy ótti.
Zııaly qaýymnyń bedeldi ókilderinen quralǵan komıssııa músheleri ádebıet, teatr, mýzyka jáne beıneleý óneri salalary boıynsha Memlekettik syılyqty berý jónindegi konkýrstyń ekinshi kezeńine ótken 7 jumysty qarady.
Mádenıet jáne aqparat mınıstri Arman Qyryqbaev usynylǵan eńbekterdiń qoǵamdaǵy talqylaný barysy týraly baıandama jasady.
Komıssııa daýys berý qorytyndysy boıynsha 2026 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyna usynylǵan týyndylarǵa qatysty ortaq kelisimge kele almady.
Sondaı-aq otyrys barysynda Komıssııa qyzmetin jetildirý, atap aıtqanda, jumystardy baǵalaý sharttaryn qaıta qaraý, saraptamalyq súıemeldeý tetikterin jetildirý jáne konkýrstyq irikteý rásimderin júıeleý usynyldy.
Osylaısha, bıyl Abaı atyndaǵy memlekettik syılyq berilmeıtin boldy.
Eske salaıyq, buǵan deıin «Tumar» men «Úrker» syılyǵynyń jeńimpazdary anyqtalǵanyn habarlaǵanbyz.
