Bıyl 9 myńnan astam dáriger biliktiligin arttyrǵan
ASTANA. KAZINFORM – Bıyl JOO-da 9 myńnan astam JPD oqytyldy, bul dárigerlerdiń jalpy sanynyń 78%-yn quraıdy. Jalpy praktıka dárigerleriniń (JPD) biliktiligin arttyrý, bul ásirese elimizdiń keıbir óńirlerinde mamandandyrylǵan kómektiń qoljetimdiligi tómen jaǵdaılarda mańyzdy. Bul týraly Densaýlyq saqtaý mınıstriniń tóraǵalyǵymen ótken vedomstvo alqasynyń kezekti otyrysynda aıtyldy.
«MSAK jalpy praktıkasy dárigerleriniń quzyretin odan ári kúsheıtý jáne óńirlerdi bilikti medıtsınalyq kadrlarmen qamtamasyz etý úshin 2025 jyldy – biliktilikti arttyrý jyly dep jarııalaımyn. Bul rette, biliktilikti arttyrý tek medıtsına qyzmetkerlerine ǵana emes, sonymen qatar joǵary oqý oryndary men kolledjderdiń professorlyq-oqytýshylyq quramyna da áser etýi tıis. Jumysqa kirisetin jas mamandar úshin tálimgerlikti beıimdeý jáne damytý máselesin pysyqtaý qajet», - dep atap ótti mınıstr.
Osy baǵyt sheńberinde praktık dárigerler men jalpy praktıka meıirgerleri úshin qosymsha bilimniń bilim berý baǵdarlamalaryn ázirleý jáne bekitý, ınternder men rezıdentterdiń, bolashaq meıirgerlerdiń bilim berý baǵdarlamalarynda praktıkada tsıfrlyq tehnologııalar men elektrondyq medıtsınalyq júıelerdi paıdalanýdy kózdeý, «Jalpy dárigerlik baǵdarlama (Otbasylyq medıtsına)» mamandaryn daıarlaý boıynsha ınternatýra men rezıdentýranyń bilim berý baǵdarlamalaryn ózektendirý tapsyrmalary berildi.
Eske sala kete ketıik, buǵan deıin Qaraǵandyda 200-den astam bolashaq dáriger jańa oqý ornyn izdeýge májbúr ekenin jazǵan bolatynbyz.