Bıyl 9 myń shaqyrymǵa jýyq avtojol jóndeledi – Qazavtojol
ASTANA. KAZINFORM – Elimizde Aqtóbe-Ulǵaısyn, Saryaǵash jəne Qyzylorda qalalarynyń aınalma joldaryn qaıta jańartý boıynsha otandyq merdiger uıymdar anyqtaldy. Jol sapasyn jaqsartý jumystary týraly «QazAvtoJol» UK» AQ basqarma tóraǵasy Darhan Imanashev aıtyp berdi.
Onyń aıtýynsha, kólik ınfraqurylymyn damytý maqsatynda byltyrǵy jol-qurylys maýsymynda 8800 shaqyrym avtojol barlyq jumys túrlerimen qamtylǵan.
– Bıyl da 8900 shaqyrym avtojolda jóndeý jumystary júrgiziledi. Onyń ishinde 3400 shaqyrymda qurylys jəne qaıta jańartý jobalary, 324 shaqyrymda – kúrdeli jóndeý jáne 5200 shaqyrymda – ortasha jóndeý jasalady. Sondaı-aq apattyq qaýipti jaǵdaıda turǵan 53 kópirdiń jóndeý jumystaryna erekshe kóńil bólinbek, – dedi D. Imanashev Úkimettiń búgingi otyrysynda.
Bul tapsyrmalardy júzege asyrý úshin 10 mln tekshe metr fraktsııalyq qıyrshyq tas, 210 myń tonna bıtým, 230 myń tekshe metr temir-beton buıymdary əzirlenip jatyr.
– Bıylǵy jol-qurylys maýsymynda shamamen 12 myń arnaıy tehnıka, 25 myń jol mamany jəne 193 asfaltbeton jəne beton zaýyttary jumyldyrylady. Prezıdent tapsyrmasyna səıkes bıyl 3400 shaqyrymdy quraıtyn jańa qurylys jəne qaıta jańartý jobalary josparlanyp otyr. Qazirgi ýaqytta Aqtóbe–Ulǵaısyn, Saryaǵash jəne Qyzylorda qalalarynyń aınalma joldaryn qaıta jańartý boıynsha otandyq merdiger uıymdar anyqtaldy, osy aıda qurylys jumystary bastalady, – dedi Qazavtojol basshysy.
Al «Ortalyq–Batys» jobasy boıynsha mobılızatsııa júrgizip, daıyndyq jumystary bastaldy. Barlyq jobalardyń qurylysynda otandyq taýar óndirýshilerdiń materıaldaryn paıdalaný, jergilikti mamandardy tartý jəne tehnogendik mıneraldyq túzilimderdi qoldaný kózdelgen.
Aıta keteıik, elimizde jańadan salynatyn joldarda modıfıkatsııalanǵan bıtým qoldanyla bastaıdy.
