Bıyl 9 aıda balasyna durys tálim-tárbıe bere almaǵan 345 adam ata-ana quqyǵynan aıyryldy
ASTANA. KAZINFORM – Bıyl 9 aıda balasyna durys tálim-tárbıe bere almaǵan 345 adam ata-ana quqyǵynan aıyryldy. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabyna aıtylǵan.
«Bas prokýratýra derekterine sáıkes, kámeletke tolmaǵandar jasaıtyn quqyq buzýshylyqtyń joǵary deńgeıi saqtalyp otyr. Aıtalyq, osy jyldyń 9 aıynda balalar qylmysynyń 50 faktige (2024 jyldyń 9 aıynda – 1 263, 2023 jyldyń 9 aıynda – 1213 qylmys) óskeni baıqalady. 2024 jyldyń 8 aıynda balaǵa tálim-tárbıe berý mindetin laıyqty oryndamaǵany úshin 84 myń zańdy ókil ákimshilik jaýapkershilikke tartylyp, 345 adam ata-ana quqyǵyn aıyryldy. Devıantty minez-qulqy bar 125 jasóspirim balalarǵa arnalǵan arnaýly mektepke jiberildi», - dep atap ótedi Úkimet basshysy.
Aıta keteıik, Jambyl, Mańǵystaý, Shyǵys Qazaqstan oblystarynda jáne Almaty qalasynda devıantty minez-qulqy bar balalarǵa arnalǵan 4 arnaýly mektep bar. Olarda 161 bala tálim-tárbıe alyp jatyr. Sondaı-aq, Abaı oblysynda ustaýdyń aıryqsha rejımi bar bir arnaýly mektep (13 bala tálim-tárbıe alyp jatyr) jumys isteıdi.
Abaı oblysynda 26 adam ata-ana quqyǵynan aıyrylǵanyn jazǵan bolatynbyz.
